ചങ്ങനാശ്ശേരി : എൻഎസ്എസ് താലൂക്ക് യൂണിയന്റെ നേതൃത്വത്തിലുള്ള വിജയദശമി നായർ മഹാസമ്മേളനം നാളെ 2ന് പെരുന്ന എൻഎസ്എസ് ഹിന്ദു കോളജ് ഓഡിറ്റോറിയത്തിൽ നടക്കും. എൻഎസ്എസ് ജനറൽ സെക്രട്ടറി ജി.സുകുമാരൻനായർ ഉദ്ഘാടനം ചെയ്യും. എൻഎസ്എസ് പ്രസിഡൻ്റ് ഡോ. എം.ശശികു മാർ അധ്യക്ഷത വഹിക്കും.
എൻഎസ്എസ് സെക്രട്ടറി ഹരികുമാർ കോയിക്കൽ, ട്രഷറർ എൻ.വി. അയ്യപ്പൻപിള്ള, വൈസ് പ്രസിഡന്റ് എം.സംഗീത്കുമാർ, കരയോഗം രജിസ്ട്രാർ വി വി ശശിധരൻ നായർ, വൈസ് പ്രസിഡൻ്റ് എസ് സുരേഷ് കുമാർ എന്നിവർ പ്രസംഗിക്കും. സമുദായ നേതാക്കളും താലൂക്കിലെ 5 മേഖലകളിൽ നിന്നായി അയ്യായിരത്തോളം സമുദായാംഗങ്ങൾ പങ്കെടുക്കും.
