സ്വകാര്യ ബസ് വാഹനങ്ങളിലിടിച്ച് ഒരു മരണം, എട്ട് പേർക്ക് പരിക്ക്

തൃശ്ശൂർ : സ്വകാര്യ ബസ് വാഹനങ്ങളിലിടിച്ച് അപകടം. അപകടത്തിൽ ഒരു വിദ്യാർത്ഥിനി മരിച്ചു. എട്ട് പേർക്ക് പരിക്കേറ്റു. ഇതിൽ രണ്ട് പേരുടെ നില ​ഗുരുതരമാണ്. കുറ്റിപ്പുറം – തൃശൂർ റൂട്ടിലോടുന്ന ബസ് ആണ് അപകടത്തിൽപ്പെട്ടത്.  നിയന്ത്രണം വിട്ട ബസ് കാറ്, ഓട്ടോ, ബൈക്ക് ഉൾപ്പടെ 5 വാഹനങ്ങളിലിടിക്കുകയായിരുന്നു.കാറിൽ യാത്രചെയ്ത വിദ്യാർഥിനി റിയ ഫാത്തിമയാണ് മരിച്ചത്.അപകടത്തിൽ ബസിന്റെ മുൻഭാഗം പൂർണമായും തകർന്നു.