തിരുവല്ല: അനധികൃതമായി മെറ്റൽ കടത്തിക്കൊണ്ടുവന്ന ടോറസ് ലോറി പുളിക്കീഴ് പോലീസ് പിടികൂടി. ഇന്നലെ വൈകിട്ട് 6.15 ന് പനച്ചിമൂട് ജംഗ്ഷന് സമീപമാണ് എസ് ഐ കെ സുരേന്ദ്രന്റെ നേതൃത്വത്തിലുള്ള പോലീസ് സംഘം ലോറി തടഞ്ഞു പിടികൂടിയത്.
വാഹനപരിശോധനയ്ക്കിടെ ആലുംതുരുത്തി ചക്കുളം റോഡിലൂടെ റാന്നി മാടമൺ കാണിപ്പറമ്പിൽ സുജിത് ഓടിച്ചുവന്ന ലോറി തടഞ്ഞു പരിശോധിച്ചപ്പോൾ മതിയായ രേഖകളോ അനുമതി പത്രമോ ഇയാളുടെ പക്കൽ ഉണ്ടായിരുന്നില്ല.
തുടർന്ന് മെറ്റൽ ഉൾപ്പെടെ ലോറി പോലീസ് പിടിച്ചെടുക്കുകയായിരുന്നു. പിന്നീട് 54,800 രൂപ പിഴ ഈടാക്കി ജിയോളജി വകുപ്പ് വാഹനം ഇന്ന് വിട്ടുകൊടുത്തു.
