കോട്ടയം : നാട്ടകത്ത് ജീപ്പും ലോറിയും കൂട്ടിയിടിച്ച്‌ ജീപ്പ് യാത്രക്കാരായ രണ്ട് പേർ മരിച്ചു .മൂന്നു പേർക്ക് ഗുരുതരമായി പരുക്കേറ്റു.എംസി റോഡിൽ നാട്ടകം പോളിടെക്നിക് കോളജിനു മുന്നിൽ ഇന്നു പുലർച്ചെ മൂന്നരയോടെ ആയിരുന്നു അപകടം. ബെംഗളൂരുവിൽ നിന്നും ലോഡ് കയറ്റിവന്ന ലോറിയിൽ എതിർദിശയിൽ നിന്നും എത്തിയ ജീപ്പ് ഇടിയ്ക്കുകയായിരുന്നു.
അപകടത്തിൽ ജീപ്പിന്റെ മുൻവശം പൂർണമായും തകർന്നു.ജീപ്പ് ഡ്രൈവറും തമിഴ്നാട് സ്വദേശിയുമാണ് മരിച്ചത് .ജീപ്പിന് പിന്നിലിരുന്ന മൂന്ന് പേർക്കാണ് പരിക്കേറ്റത് .ഇവരെ സമീപത്തെ ആശുപത്രികളിൽ പ്രവേശിപ്പിച്ചു.ഇന്റീരിയർ വർക്ക് ചെയ്യുന്ന തൊഴിലാളികളാണ് ജീപ്പിലുണ്ടായിരുന്നതെന്നാണ് വിവരം.
