കൊച്ചി: മുന് മന്ത്രിയും എംഎല്എയുമായ കടകംപള്ളി സുരേന്ദ്രനെതിരെ ശബരിമല സ്വര്ണക്കൊള്ള കേസിലെ മുഖ്യപ്രതി ഉണ്ണികൃഷ്ണന് പോറ്റി ഡിജിപിക്ക് പരാതി നല്കി. തനിക്കെതിരായ പരാതിക്ക് പിന്നില് കടകംപള്ളിയാണെന്ന് പോറ്റി പരാതിയില് പറയുന്നു.
കടകംപള്ളി കഴക്കൂട്ടം സ്വദേശിനി പ്രതിഭയെ കൊണ്ട് തനിക്കെതിരെ പരാതി നല്കിപ്പിച്ചു. ഭൂമി വിലയ്ക്ക് വാങ്ങിയതാണ്. സാമ്പത്തിക പ്രതിസന്ധിയിലായ പ്രതിഭയെ സഹായിക്കാന് കടകംപള്ളി ആവശ്യപ്പെട്ടിരുന്നു. എന്നാല് തന്റെ അന്നത്തെ സാമ്പത്തിക സ്ഥിതി വച്ച് അതിന് കഴിയുന്ന സ്ഥിതിയായിരുന്നില്ലെന്നും പോറ്റി പറഞ്ഞു.
