തിരുവനന്തപുരം: ശ്രീപത്മനാഭസ്വാമി ക്ഷേത്രത്തിൽ 4-ന് നടക്കുന്ന അഷ്ടമിരോഹിണിയോടനുബന്ധിച്ച് തിരുവമ്പാടി ശ്രീകൃഷ്ണസ്വാമി ക്ഷേത്രസന്നിധിയിൽ വിശേഷാൽ പൂജകളും, അലങ്കാരങ്ങളും ഉച്ചയ്ക്ക് 2-ന് അഭിഷേകവും നടക്കും. അന്നേ ദിവസം വൈകീട്ട് 4.30 മുതൽ അഭിശ്രവണമണ്ഡപത്തിൽ അലങ്കാര ഊഞ്ഞാലിൽ ഭഗവാന്റെ ബാലവിഗ്രഹങ്ങളുടെ ദർശനവും ഭക്തർക്ക് ലഭിക്കും.
ഈ ദിവസം രാവിലത്തെ ദർശന സമയത്തിന് മാറ്റമില്ല. വൈകീട്ട് ദർശന സമയം- 4.30 മുതൽ 4.50 വരെയും, 5.30 മുതൽ 6.15 വരെയും 6.45 മുതൽ 7.20 വരെയുമാണ്. അത്താഴശീവേലിയ്ക്ക് ശേഷം പതിവ് ദർശനം ഉണ്ടായിരിക്കുന്നതാണ്.
