ന്യൂഡൽഹി : അഞ്ച് നിയമസഭാ മണ്ഡലങ്ങളിലേക്കും ഒരു ലോക്സഭാ സീറ്റിലേക്കും നടന്ന ഉപതിരഞ്ഞെടുപ്പിൽ ബിജെപി സ്ഥാനാർഥികൾക്ക് മുന്നേറ്റം. ബംഗാളിൽ വോട്ടെണ്ണൽ നടക്കുന്ന നന്ദിഗ്രാമിലും റെജിനഗറിലും ബിജെപിയാണ് നിലവിൽ ലീഡ് ചെയ്യുന്നത്.അസമിലെ ലോക്സഭാ ഉപതിരഞ്ഞെടുപ്പിലും കോൺഗ്രസിന്റെ സിറ്റിങ് ലോക്സഭാ സീറ്റിൽ വ്യക്തമായ ലീഡ് ബിജെപി സ്വന്തമാക്കിയിട്ടുണ്ട്.
തമിഴ്‌നാട്ടിൽ മധുരാന്തകത്തും ധാരാപുരത്തും വിജയിയുടെ പാർട്ടിയാണ് മുന്നേറുന്നത്. എഐഎഡിഎംകെയുടെ സിറ്റിങ് സീറ്റുകളായിരുന്നു ഇവ .അണ്ണാ ഡിഎംകെയിൽ നിന്നു രാജിവച്ചവർ തന്നെയാണ് ടിവികെ സ്ഥാനാർഥികളായി രംഗത്തിറങ്ങിയത്. പുതുച്ചേരിയിലെ തട്ടാൻചാവടി സീറ്റിൽ എൻഡിഎ മുന്നണിയിലുളള ഭരണകക്ഷിയായ ഓൾ ഇന്ത്യ എൻ.ആർ.കോൺഗ്രസിനാണ് വിജയം. അസമിലെ നാഗോൺ ലോക്സഭാ സീറ്റിൽ ഒരു ലക്ഷത്തോളം വോട്ടുകളുടെ ഭൂരിപക്ഷത്തോടെ ബിജെപി വിജയമുറപ്പിച്ചിട്ടുണ്ട്.
