ന്യൂഡൽഹി : ട്രെയിനില്‍ ഒപ്പം യാത്ര ചെയ്യുന്നവർക്ക് ശല്യമാകുന്ന രീതിയിൽ മൊബൈൽ ഫോണിൽ ഉച്ചത്തിൽ പാട്ടുവച്ചാല്‍ ഇനി കടുത്ത നടപടി. അത്തരം യാത്രക്കാരെ ടിക്കറ്റ് റദ്ദാക്കി ട്രെയിനിൽ നിന്ന് ഇറക്കി വിടുന്നതിനൊപ്പം 1,000 രൂപ പിഴയും ചുമത്തും. ഉച്ചത്തിലുള്ള ശബ്ദത്തിൽ വീഡിയോ കാണുന്നവർക്കും ബാധകമാണ്. ഇയർ ഫോണുപയോഗിച്ച് പാട്ടു കേൾക്കുന്നതിൽ തടസമില്ല.
യാത്രക്കാർക്ക് 139 എന്ന ടോൾ ഫ്രീ നമ്പറിൽ വിളിച്ചോ ടി.ടി.ഇയെ നേരിട്ട് അറിയിച്ചോ പരാതി നല്‍കാം. റെയില്‍വേ ആപ്പ് വഴിയും പരാതി അറിയിക്കാം. റെയില്‍വേ ജീവനക്കാരന്റെ നിര്‍ദേശം അവഗണിക്കുകയും ചെയ്താല്‍ ആറുമാസം വരെ തടവോ 5,000 രൂപ വരെ പിഴയോ രണ്ടും കൂടിയോ ലഭിക്കാം. ഇതിനായി 1989ലെ റെയില്‍വേ ആക്ടിലെ 145-ാം വകുപ്പില്‍ ജനവിശ്വാസ് അമന്റ്മെന്റ് ഒഫ് പ്രൊവിഷൻസ് ആക്ട് 2026 അനുസരിച്ച്‌ ഭേദഗതി വരുത്തി. സഹയാത്രികരില്‍നിന്ന് വ്യാപകമായി പരാതികള്‍ ഉയര്‍ന്ന സാഹചര്യത്തിലാണ് നടപടി.
