മലപ്പുറം: കാറോടിക്കാൻ പിതാവ് താക്കോൽ നൽകാത്തതിൽ പ്രകോപിതനായ മകൻ കാർ പെട്രോളൊഴിച്ച് കത്തിച്ചു. മലപ്പുറം കൊണ്ടോട്ടി നീറ്റാണിമ്മലിൽ ഇന്നലെ വൈകിട്ടായിരുന്നു സംഭവം.സംഭവത്തിൽ മലപ്പുറം കൊണ്ടോട്ടി സ്വദേശി ഡാനിഷ് മിൻഹാജ് (21) അറസ്റ്റിലായി.
ഡാനിഷിന് ലൈസൻസ് ഇല്ലാത്തതിനാൽ കാർ ഓടിക്കാൻ പിതാവ് താക്കോൽ നൽകിയില്ല .ഇതിൽ ദേഷ്യപ്പെട്ട് കാറിന് സമീപത്ത് നിർത്തിയിട്ടിരുന്ന ബൈക്കിൽ നിന്ന് പെട്രോൾ ഊറ്റിയെടുത്ത് ഡാനിഷ് കാറിന്റെ മുകളിലൊഴിച്ച് തീയിടുകയായിരുന്നു. കാർ പൂർണമായും കത്തി നശിച്ചു.
