തിരുവനന്തപുരം : വെഞ്ഞാറമൂടിൽ പതിനാറുകാരനെ നിരോധിത ഭീകരസംഘടനയായ ഐഎസ്ഐഎസിൽ ചേരാൻ പ്രേരിപ്പിച്ച അമ്മയ്‌ക്കും രണ്ടാനച്ഛനുമെതിരെ യുഎപിഎ ചുമത്തി.തിരുവനന്തപുരം വെഞ്ഞാറമ്മൂട് പൊലീസ് സ്റ്റേഷൻ പരിധിയിൽ വെമ്പായത്താണ് സംഭവം.
വെമ്പായം സ്വദേശിയായ യുവാവ് പത്തനംതിട്ട സ്വദേശിയായ യുവതിയെ വിവാഹം കഴിച്ച്‌ മതം മാറ്റിയിരുന്നു .വിവാഹശേഷം ഇയാളും യുവതിയും യുകെയിൽ പോയി. പിന്നീട് യുവതിയുടെ ആദ്യ വിവാഹത്തിലെ കുട്ടി യു.കെയിലെത്തിയപ്പോൾ ഇസ്ലാമിക്ക് സ്റ്റേിൽ ചേരാൻ ആഹ്വാനം ചെയ്യുന്ന വീഡിയോ ദൃശ്യങ്ങൾ കാണിച്ച് കുട്ടിയെ പ്രേരിപ്പിക്കുകയായിരുന്നു .
യുകെയിൽ നിന്നും നാട്ടിലെത്തിയ ദമ്പതികൾ കുട്ടിയെ ആറ്റിങ്ങലിലുള്ള മതപഠന ശാലയിലാക്കുകയും ചെയ്തു .കുട്ടിയുടെ സ്വഭാവത്തിലെ മാറ്റം കണ്ട് കുട്ടിയുടെ അമ്മയുടെ ബന്ധുക്കളാണ് പൊലീസിനെ വിവരം അറിയിച്ചത്. പോലീസ് നടത്തിയ അന്വേഷണത്തിലാണ് കുട്ടിയെ ഐഎസിൽ ചേരാൻ പ്രേരിപ്പിച്ചതായി കണ്ടെത്തിയത്. എൻഐഎയും സംഭവത്തിൽ വിവരശേഖരണം ആരംഭിച്ചു.
