പരുമല : പാരിസ്ഥിതിക ദര്‍ശനങ്ങളെയും ഉള്‍ക്കൊണ്ട വിശ്വമാനവികനായിരുന്നു പരിശുദ്ധ പരുമല തിരുമേനി എന്ന് അഡ്വ. വര്‍ഗീസ് മാമ്മന്‍ എം.എല്‍എ. പരുമല പെരുന്നാളിനോട് അനുബന്ധിച്ച് നടന്ന പരിസ്ഥിതി സെമിനാര്‍ ഉത്ഘാടനം ചെയ്ത്‌കൊണ്ട് പ്രസംഗിക്കുകയായിരുന്നു അദ്ദേഹം. പരുമല തിരുമേനിയുടെ പാരിസ്ഥിതിക ദര്‍ശനം അടുത്ത തലമുറകളിലേക്കും കൈമാറ്റം ചെയ്ത് കൊടുക്കേണ്ട ഉത്തരവാദിത്തം നമുക്ക് ഉണ്ടാവണമെന്നും അദ്ദേഹം പറഞ്ഞു.
പരിസ്ഥിതി കമ്മീഷന്‍ പ്രസിഡന്റ് ജോസഫ് മാര്‍ ദിവന്നാസിയോസ് അധ്യക്ഷത വഹിച്ച യോഗത്തില്‍ ജോബിന്‍ കെ.ജോര്‍ജ് ( തഹസില്‍ദാര്‍ & എക്‌സിക്യൂട്ടീവ് മജിസ്‌ട്രേറ്റ്, തിരുവല്ല) മുഖ്യസന്ദേശം നല്‍കി. വൈദിക ട്രസ്റ്റി ഫാ.സജി അമയില്‍, അത്മായ ട്രസ്റ്റീ റോണി വര്‍ഗീസ് എബ്രഹാം,ഫാ.ഡോ. കുര്യന്‍ ദാനിയേല്‍, ഫാ.ഷിബിന്‍ തോമസ് വര്‍ഗീസ്,ഫാ.ഗീവര്‍ഗീസ് മാത്യു,ഫാ.തോമസ് ജോര്‍ജ്, മത്തായി ടി.വര്‍ഗീസ്,തോമസ് എബ്രഹാം എന്നിവര്‍ പ്രസംഗിച്ചു.
