പത്തനംതിട്ട : കുടുംബപ്രശ്നം കാരണമുള്ള മുൻവിരോധത്താൽ യുവതിയെ വെട്ടികൊല്ലാൻ ശ്രമിച്ച ഭർത്താവിനെ പത്തനംതിട്ട പോലീസ് അറസ്റ്റ് ചെയ്തു. തിരുവനന്തപുരം സ്വദേശി വിപിൻ (30) ആണ് അറസ്റ്റിലായത്. മൈലപ്ര കോട്ടമല ഓലിക്കൽ വീട്ടിൽ വാടകയ്ക്ക് താമസിക്കുന്ന അശ്വതി(28)യെ 25 ന് രാവിലെ എട്ടിന് വീട്ടിൽ അതിക്രമിച്ചുകയറി വെട്ടുകത്തി കൊണ്ട് തലയ്ക്കും കഴുത്തിനും വെട്ടി മാരകമായി പരിക്കേൽപ്പിക്കുകയായിരുന്നു.
അയൽ വീട്ടിൽ അഭയം പ്രാപിച്ച യുവതിയെ ഉടനടി പത്തനംതിട്ട ജനറൽ ആശുപത്രിയിൽ എത്തിച്ചു. സംഭവത്തിന് ശേഷം ഭർത്താവ് രണ്ട് കുഞ്ഞുങ്ങളെയും കൊണ്ട് സ്ഥലംവിടുകയായിരുന്നു. പരിക്ക് ഗുരുതരമായതിനാൽ യുവതിയെ പിന്നീട് കോട്ടയം മെഡിക്കൽ കോളേജ് ആശുപത്രിയിലേക്ക് മാറ്റി. യുവതിയും കുട്ടികളും മറ്റും ഈ വീട്ടിൽ വാടകയ്ക്ക് താമസിക്കുകയാണ്
വീട്ടുടമ റാന്നി ഉതിമൂട് ഗ്രീൻവാലി ഓലിക്കൽ കെ ഷിനോയ് യുടെ മൊഴിപ്രകാരം കേസെടുത്ത പത്തനംതിട്ട പോലീസ് പ്രതിയെ വിശദമായി ചോദ്യം ചെയ്തുവരികയാണ്.
