തിരുവല്ല : വായനദിനവുമായി ബന്ധപ്പെട്ട് മന്നൻകരച്ചിറ ഗവ. യുപി സ്കൂളിൽ നടന്നു വരുന്ന വായനവാരാഘോഷങ്ങളുടെ ഭാഗമായി വിദ്യാർഥികൾ മന്നൻകരച്ചിറ പബ്ലിക് ലൈബ്രറി സന്ദർശിച്ചു. അധ്യാപകരായ ഷിജു പി ചാക്കോ, ആഷിനാ അഷറഫ്, അനിഴ , ബാലവേദി കോ ഓർഡിനേറ്റർ കണിയാന്തറ നാരായണപിള്ള മോഹനകുമാർ എന്നിവർ ഗ്രന്ഥശാലാ സന്ദർശനത്തിനു് ഒപ്പമുണ്ടായിരുന്നു.
ലൈബ്രേറിയൻ സിന്ധു സ്കൂൾ പ്രതിനിധികളെ സ്വീകരിച്ചു. പുസ്തകങ്ങൾക്കും പത്രമാസികകൾക്കും പുറമെ ലൈബ്രറിയിലെ വിവിധ രജിസ്‌റ്ററുകളും കുട്ടികൾ പരിശോധിച്ചു. ലൈബ്രറി കൗൺസിൽ നടത്തുന്ന വായനമത്സരത്തിൽ മന്നൻകരച്ചിറ ഗവ. സ്കൂളിലെ വിദ്യാർഥികൾ പങ്കെടുത്തു സമ്മാനം നേടാറുണ്ട്.
