ആലപ്പുഴ: സംസ്ഥാന സർക്കാർ കെ ആർ എഫ് ബി യിൽ നിന്നും 17.825 കോടി രൂപ വിനിയോഗിച്ച് പുനർനിർമ്മിച്ച മുപ്പാലം പൊതുമരാമത്ത് വകുപ്പു മന്ത്രി പി എ മുഹമ്മദ് റിയാസ് 15 ന് വൈകിട്ട് ആറ് മണിക്ക് ഉദ്ഘാടനം ചെയ്യും.
ഇതിനോടൊപ്പം വിനോദ സഞ്ചാര വകുപ്പ് 22.50 കോടി രൂപ ചെലവഴിച്ച് നടപ്പാക്കുന്ന ആലപ്പുഴ പൈതൃക പദ്ധതി കനാൽക്കര സൗന്ദര്യവൽക്കരണത്തിന്റെ
നിർമ്മാണ ഉദ്ഘാടനവും മന്ത്രി നിർവഹിക്കും.
പി പി ചിത്തരഞ്ജൻ എം എൽ എ അധ്യക്ഷനാകും. എച്ച് സലാം എം എൽ എ സ്വാഗതം ആശംസിക്കുന്ന ചടങ്ങിൽ കെ.സി. വേണുഗോപാൽ എം പി മുഖ്യാഥിതിയായിരിക്കും. നഗരസഭാ അധ്യക്ഷ കെ കെ ജയമ്മ, ജില്ലാ കളക്ടർ അലക്സ് വർഗീസ്, വിവിധ ജനപ്രതിനിധികൾ, രാഷ്ട്രീയ പാർട്ടി പ്രതിനിധികൾ, ഉദ്യോഗസ്ഥർ തുടങ്ങിയവർ പങ്കെടുക്കും.
