സാങ്കേതിക വിദ്യ, ഡിജിറ്റല്‍ വിഭവങ്ങള്‍ എന്നിവയിലേക്ക് തുല്യ പ്രവേശനം നല്‍കി കാഴ്ച പരിമിതിയുള്ള വിദ്യാര്‍ത്ഥികളുടെ വിടവ് നികത്തി അവരുടെ ആത്മവിശ്വാസം വര്‍ധിപ്പിക്കുകയാണ് പദ്ധതിയുടെ ലക്ഷ്യം. ടോക്കിങ് ഹിയറിങ് സോഫ്റ്റ്‌വെയര്‍ അടങ്ങിയ ലാപ്‌ടോപ്പിലൂടെ കാഴ്ച പരിമിതിയുള്ള വിദ്യാര്‍ഥികള്‍ക്ക് വായനയിലും എഴുത്തിലും സ്വയം പര്യാപ്തത കൈവരിക്കാനാകും. ഡിജിറ്റല്‍ ഉള്ളടക്കം ആക്‌സസ് ചെയ്യാനും വിവരസാങ്കേതിക വിദ്യയിലെ വിവിധ തലങ്ങളുമായി സംവദിക്കുന്നതിനും ഉപകരണം അവരെ പ്രാപ്തരാക്കും. ഓഡിയോ ഫീഡ്ബാക്കിലൂടെ കോഴ്സ് മെറ്റീരിയലുകളുമായി ധാരണയും ഇടപഴകലും വര്‍ദ്ധിപ്പിക്കും. സ്പീച്ച്-ടു-ടെക്സ്റ്റ്, ടെക്സ്റ്റ്-ടു-സ്പീച്ച് കഴിവുകള്‍ ഉപയോഗിച്ച് പഠനപരമായ വിവിധ കാര്യങ്ങള്‍ ചെയ്യുന്നതിനുള്ള കാര്യക്ഷമതയും വര്‍ദ്ധിക്കും.
ചടങ്ങില്‍ ജില് പഞ്ചായത്ത് വൈസ് പ്രസിഡന്റ് എന്‍.എസ്. ശിവപ്രസാദ് അധ്യക്ഷത വഹിച്ചു.
