പത്തനംതിട്ട : ജില്ലയിലെ തദ്ദേശസ്വയംഭരണ സ്ഥാപനങ്ങളിലേക്ക് നടന്ന ഉപതിരഞ്ഞെടുപ്പിൽ യു ഡി എഫ് സ്ഥാനാർഥികൾ വിജയിച്ചു.കുറ്റൂർ പഞ്ചായത്തിലെ ഓതറ, കുന്നന്താനം പഞ്ചായത്തിലെ വള്ളോക്കുന്ന്, റാന്നി പഞ്ചായത്തിലെ ബ്ലോക്കുപടി, അരുവാപ്പുലം പഞ്ചായത്തിലെ കല്ലേലി എന്നിവിടങ്ങളിലാണ് ഉപതിരഞ്ഞെടുപ്പ് നടന്നത്.
കുന്നന്താനം ഗ്രാമപഞ്ചായത്തിലെ വള്ളോക്കുന്ന് വാര്‍ഡിലേക്ക് നടന്ന ഉപതിരഞ്ഞെടുപ്പില്‍ രാധാമണിയമ്മ (കോണ്‍ഗ്രസ്സ്) വിജയിച്ചു, ഭൂരിപക്ഷം രണ്ട് വോട്ട്.
കുറ്റൂര്‍ ഗ്രാമപഞ്ചായത്തിലെ ഓതറ വാര്‍ഡില്‍ രബീഷ് മോന്‍ രവി (കേരള കോണ്‍ഗ്രസ്സ്) വിജയിച്ചു, ഭൂരിപക്ഷം 148 വോട്ട്.
അരുവാപ്പുലം ഗ്രാമപഞ്ചായത്തിലെ കല്ലേലി വാര്‍ഡില്‍ അനില (കോണ്‍ഗ്രസ്സ്) വിജയിച്ചു, ഭൂരിപക്ഷം 112 വോട്ട്.
റാന്നി ഗ്രാമപഞ്ചായത്തിലെ ബ്ലോക്കുപടി വാര്‍ഡിലേക്ക് നടന്ന ഉപതിരഞ്ഞെടുപ്പില്‍ എം ആര്‍ രമ്യാമോള്‍ ( കോണ്‍ഗ്രസ്സ്) വിജയിച്ചു, ഭൂരിപക്ഷം അഞ്ച് വോട്ട്.
ജില്ലയിൽ 67.31% പോളിങ് ആണ് രേഖപ്പെടുത്തിയത്.
