പാരീസ് : പാരീസ് ഒളിംപിക്സിൽ വനിതകളുടെ 50 കിലോ ഗ്രാം ഫ്രീ സ്റ്റൈല്‍ വിഭാഗത്തില്‍ ഫൈനലിലെത്തിയ ഇന്ത്യയുടെ വിനേഷ് ഫോഗട്ടിനെ അയോഗ്യയാക്കി. ഫൈനലിന് മുമ്പുള്ള ഭാര പരിശോധന നടത്തിയപ്പോൾ വിനേഷിന് അനുവദനീയമായ ഭാരപരിധിയെക്കാള്‍ 100 ഗ്രാം കൂടുതലാണെന്ന് കണ്ടെത്തി. തുടർന്നാണ് അയോഗ്യയാക്കിയത്.
ഇന്നലെ നടന്ന മത്സരത്തിൽ 50 കിലോ വിഭാഗത്തിൽ ക്യൂബൻ താരത്തെ വീഴ്‌ത്തിയാണ് വിനേഷ് ഫൈനലിലേക്ക് എത്തിയത്. ഇന്ന് ഫൈനലിൽ അമേരിക്കയുടെ സാറ ആൻ ഹിൽഡർബ്രാൻറ്റിനെതിരെ മത്സരിക്കാനിരിക്കെയാണ് അയോഗ്യയാക്കപ്പെട്ടത്.
