കോഴിക്കോട്:കോഴിക്കോട് കാർ വർക്ക് ഷോപ്പിൽ വൻ തീപിടിത്തമുണ്ടായി. വെള്ളയിൽ ഗാന്ധി റോഡിലെ കാർ വർക്ക് ഷോപ്പിൽ രാവിലെ പത്തുമണിയോടെയാണ് സംഭവം.സമീപത്തെ തെങ്ങുകളിലേക്കും തീ പടർന്നു.അഗനിശമനസേനയും നാട്ടുകാരും ചേര്‍ന്ന് തീ അണച്ചു.ആർക്കും പരുക്കില്ല.
കാറുകള്‍ പെയിന്റുചെയ്യുന്ന സ്ഥലത്താണ് തീപിടിത്തമുണ്ടായത്.പെയിന്റിംഗ് ബൂത്ത് പൂര്‍ണ്ണമായി കത്തി നശിച്ചു.നിരവധി കാറുകൾ വർക്ക് ഷോപ്പിൽ നിർത്തിയിട്ടിരുന്നു. അത് നാട്ടുകാർ ചേർന്ന് തള്ളിമാറ്റി.അതേസമയം സ്ഥലത്ത് അഗ്നിശമന സേനയെത്താന്‍ വൈകിയെന്ന് നാട്ടുകാര്‍ പരാതിപ്പെട്ടു.
