തിരുവനന്തപുരം : തിരുവനന്തപുരം നാവായികുളം കിഴക്കനേല എൽപി സ്കൂളിൽ കുട്ടികൾക്ക് ഭക്ഷ്യവിഷബാധ.25 ഓളം കുട്ടികൾക്കാണ് അസ്വസ്ഥത ഉണ്ടായത്. കുട്ടികൾ പാരിപ്പള്ളി മെഡിക്കൽ കോളജ് ആശുപത്രിയിൽ ചികിത്സ തേടി.ബുധനാഴ്ചയാണ് സംഭവം. ഉച്ചയൂണിന് ഫ്രൈഡ് റൈസും ചിക്കൻ കറിയുമാണ് കുട്ടികൾക്ക് നൽകിയത് .ഇതിൽ നിന്നാണ് ഭക്ഷ്യ വിഷബാധയേറ്റതെന്നാണ് പ്രാഥമിക നിഗമനം. .
രണ്ടു കുട്ടികൾ ആശുപത്രിയിൽ ചികിത്സയിൽ കഴിയുകയാണ്. നാവായിക്കുളം വെട്ടിയറ സ്വദേശിയായ എട്ട് വയസ്സുള്ള ചിരഞ്ജീവി, കിഴക്കനേല സ്വദേശി ആറ് വയസ്സുള്ള വജസ്സ് വിനോദ് എന്നിവരാണ് പാരിപ്പള്ളി മെഡിക്കൽ കോളേജിൽ 8-ാം വാർഡിൽ ചികിത്സയിൽ കഴിയുന്നത്.
സ്കൂളിൽ ആരോഗ്യ വിഭാഗം പരിശോധന നടത്തി. സംഭവം സ്കൂൾ അധികൃതർ തദ്ദേശ സ്ഥാപനത്തെയോ വിദ്യാഭ്യാസ വകുപ്പിനെയോ അറിയിച്ചില്ലെന്ന്‌ ആരോപണമുണ്ട്
