ദേവസ്വം ബോർഡ് ക്ഷേത്രങ്ങളിൽ ബലിതർപ്പണം ഓഗസ്റ്റ് 3 ന്

തിരുവനന്തപുരം : തിരുവിതാംകൂർ ദേവസ്വം ബോർഡ് ക്ഷേത്രങ്ങളിൽ കർക്കടക വാവ് ബലിതർപ്പണം ഓഗസ്റ്റ് 3 ന് . ദേവസ്വം പ്രസിദ്ധികരിച്ചിരുന്ന കലണ്ടറിൽ കർക്കടക വാവ് ഓഗസ്റ്റ് 3 ഉം കറുത്തവാവ് 4 മാണ് രേഖപ്പെടുത്തിയത്. ഇതുമൂലം ബലിതർപ്പണം നടത്തേണ്ട തീയതി സംബന്ധിച്ച് ഭക്തർക്ക് അവ്യക്തത ഉണ്ടായ സാഹചര്യത്തിലാണ് 3 ന് തന്നെയാണ് ബലിതർപ്പണം നടത്തുന്നതെന്ന് ബോർഡ് വ്യക്തമാക്കിയത്. ഇതിനുള്ള ഒരുക്കങ്ങൾ തുടങ്ങിയതായി ദേവസ്വം ബോർഡ് അധികൃതർ അറിയിച്ചു.