തിരുവല്ല : പരിശുദ്ധ പരുമല തിരുമേനിയുടെ ഓർമ്മപ്പെരുന്നാളിനോടനുബന്ധിച്ചുള്ള ഒരുക്കങ്ങൾ വിലയിരുത്തുന്നതിനായി അഭിവന്ദ്യ ഡോ. യൂഹാനോൻ മാർ ക്രിസോസ്റ്റമോസ് തിരുമേനിയുടെ സാന്നിധ്യത്തിൽ തിരുവല്ല എം.എൽ.എ അഡ്വ. വർഗീസ് മാമ്മന്റെ നേതൃത്വത്തിൽ പരുമല സെമിനാരിയിൽ അവലോകന യോഗം ചേർന്നു.
ജില്ലാ കളക്ടർ എ. നിസാമുദ്ദീൻ, ജില്ലാ പോലീസ് മേധാവി ആനന്ദ് IPS, ആർ.ഡി.ഒ. പാർവതി മേനോൻ, വിവിധ വകുപ്പുകളിലെ ഉദ്യോഗസ്ഥർ എന്നിവർ യോഗത്തിൽ പങ്കെടുത്തു.
ഒക്ടോബർ 26-ന് കൊടിയേറുന്ന പെരുന്നാളിനോടനുബന്ധിച്ച് എത്തിച്ചേരുന്ന വിശ്വാസികൾക്ക് സുരക്ഷിതവും സുഗമവുമായ തീർത്ഥാടന സൗകര്യങ്ങൾ ഉറപ്പാക്കുന്നതിനും ഗതാഗതം, സുരക്ഷ, മറ്റ് അടിസ്ഥാന സൗകര്യങ്ങൾ എന്നിവ കാര്യക്ഷമമായി ഒരുക്കുന്നതിനുമുള്ള ക്രമീകരണങ്ങൾ യോഗം വിലയിരുത്തി.
