റാന്നി: തോട്ടമൺകാവ് ദേവീക്ഷേത്രത്തിൽ നടക്കുന്ന അംബായാഗം 2026-ന്റെ ഭാഗമായി ആരംഭിച്ച 21 ദിവസത്തെ നാരായണീയ പാരായണയജ്ഞത്തിന്റെ രണ്ടാം ദിവസമായ ഇന്ന് (16) ചിറക്കടവ്–പൊൻകുന്നം ശ്രീഭദ്ര നാരായണീയ സമിതി പാരായണത്തിൽ പങ്കെടുത്തു .
കേരളത്തിന്റെ വിവിധ ഭാഗങ്ങളിൽ നിന്നെത്തുന്ന അമ്മമാരും വിവിധ നാരായണീയ സമിതികളും പങ്കെടുക്കുന്ന പാരായണയജ്ഞത്തിലൂടെയാണ് അംബായാഗത്തിന്റെ ആത്മീയ പരിപാടികൾക്ക് തുടക്കമായത്.ഭക്തിയും ആത്മീയചിന്തയും കുടുംബ-സാമൂഹിക കൂട്ടായ്മയും ശക്തിപ്പെടുത്തുന്നതിനൊപ്പം വിവിധ പ്രദേശങ്ങളിലെ ഭക്തജനങ്ങളെ അംബായാഗവുമായി ബന്ധിപ്പിക്കുന്നതിന്റെ ഭാഗമായാണ് നാരായണീയ പാരായണയജ്ഞം സംഘടിപ്പിച്ചിരിക്കുന്നത്.
ഒക്ടോബർ 9 മുതൽ 18 വരെ നടക്കുന്ന അംബായാഗം 2026-ന്റെ പ്രധാന ഘട്ടത്തിൽ ആത്മീയ പരിപാടികൾക്കൊപ്പം വിജ്ഞാനം, കല, സംസ്കാരം, സാമൂഹിക പ്രവർത്തനം എന്നിവ ഉൾപ്പെടുന്ന വിവിധ പരിപാടികളും നടക്കും. ക്ഷേത്രത്തിന്റെ പടിഞ്ഞാറുഭാഗത്തെ വിശാലമായ മൈതാനത്ത് വ്യാപാര-വിപണന മേള, വിവിധ സ്റ്റാളുകൾ, ഭക്ഷണശാലകൾ, പ്രദർശനങ്ങൾ, വിനോദ സംവിധാനങ്ങൾ എന്നിവയും ഒരുക്കുന്നുണ്ട്.
ശ്രീഭദ്ര നാരായണീയ സമിതി, ചിറക്കടവ്–പൊൻകുന്നം, അംബായാഗത്തിന്റെ ആത്മീയ കൂട്ടായ്മയിൽ പങ്കാളികളായതോടെ വിവിധ പ്രദേശങ്ങളിൽ നിന്നുള്ള ഭക്തജനങ്ങളുടെ സാന്നിധ്യത്തിനും പങ്കാളിത്തത്തിനും കൂടുതൽ പ്രാധാന്യം ലഭിക്കുന്നു.
