തിരുവല്ല : തിരുവല്ല വെൽഫെയർ സൊസൈറ്റിയുടെ ആഭിമുഖ്യത്തിൽ ആരംഭിച്ച ലഹരി വിരുദ്ധ പ്രചരണത്തിൻ്റ ഉദ്ഘാടനം ഇരുവെള്ളിപ്ര സെൻ്റ് തോമസ് ഹയർ സെക്കണ്ടറി സ്കൂളിൽ അഡ്വ. മാത്യു ടി തോമസ് എംഎൽഎ ഉദ്ഘാടനം ചെയ്തു. വെൽഫെയർ സൊസൈറ്റി പ്രസിഡൻ്റ് സാം ഈപ്പൻ അധ്യക്ഷത വഹിച്ചു. തിരുവല്ല അതിരൂപത വികാരി ജനറൽ റവ.ഫാ ഐസക് പറപ്പള്ളിൽ ലഹരി വിരുദ്ധ സന്ദേശം നൽകി.
മുൻ നഗരസഭാ ചെയർമാൻ ആർ. ജയകുമാർ, വെൽഫെയർ സൊസൈറ്റി ജനറൽ സെക്രട്ടറി വിജയകുമാർ മണിപ്പുഴ, സെൻ്റ് തോമസ് ഹയർ സെക്കൻഡറി സ്കൂൾ പ്രിൻസിപ്പൽ ജയ മാത്യൂസ്, ഹൈസ്കൂൾ ഹെഡ്മാസ്റ്റർ ഷാജി മാത്യു, തിരുവല്ല പോലീസ് സബ് ഇൻസ്പെക്ടർ ജയമോഹൻ, വെൽഫെയർ സൊസൈറ്റി ട്രഷറാർ വിനോദ് തിരുമൂലപുരം, ജോയിൻ്റ് സെക്രട്ടറി ജോ ഇലഞ്ഞി മുട്ടിൽ, സിബി തോമസ്, സന്തോഷ് ചാത്തങ്കരി, ഷെർട്ടൺ വി റാഫേൽ, അജു ഉമ്മൻ, ടി.ലോറൻസ്, സ്കൂൾ പിടിഎ പ്രസിഡന്റ് സജി എബ്രഹാം എന്നിവർ പ്രസംഗിച്ചു.
തുടർന്ന് എക്സൽ സോഷ്യൽ അവയർനെസ് മീഡിയ അവതരിപ്പിച്ച മാജിക് ഷോ, സ്കിറ്റ്, ഡാൻസ് തുടങ്ങിയ പരിപാടികൾ അവതരിപ്പിച്ചു.
