മംഗളൂരു : മംഗളൂരു നഗരത്തില്‍ ബജ്റംഗ്ദൾ പ്രവർത്തകനെ വെട്ടിക്കൊന്നു. ബജ്റംഗ്ദള്‍ പ്രവർത്തകൻ സുഹാസ് ഷെട്ടിയാണ് കൊല്ലപ്പെട്ടത്.രാത്രി എട്ടരയോടെ കിന്നിപദാവിൽ വെച്ചാണ് കൊലപാതകം നടന്നത്. സുഹൃത്തുക്കൾക്കൊപ്പം കാറിൽ സഞ്ചരിക്കുകയായിരുന്ന സുഹാസ് ഷെട്ടിയെ കാറിലും പിക്കപ്പ് വാഹനത്തിലും പിന്തുടർന്നെത്തിയ സംഘം തടഞ്ഞു നിർത്തി വെട്ടുകയായിരുന്നു.
അക്രമണത്തിന്റെ സിസിടീവി ദൃശ്യങ്ങൾ പുറത്ത് വന്നു. രാഷ്ട്രീയ വൈരാഗ്യമാണ് കൊലപാതകത്തിന് പിന്നിലെന്ന് കരുതപ്പെടുന്നു.2 022-ൽ സൂറത്ത്കലിൽ നടന്ന ഫാസിൽ കൊലക്കേസിലെ മുഖ്യപ്രതിയാണ് സുഹാസ് ഷെട്ടി. യുവമോർച്ച നേതാവ് പ്രവീൺ നെട്ടാരുവിന്റെ കൊലപാതകത്തിനു പിന്നാലെയാണ് ഫാസിൽ കൊല്ലപ്പെടുന്നത് .
