വയനാട് : വീട്ടിൽ അനധികൃതമായി മദ്യം സൂക്ഷിച്ച കേസിൽ റിപ്പോർട്ടർ ബ്രോഡ്കാസ്റ്റിങ് കമ്പനി എംഡി ആന്റോ അഗസ്റ്റിന്റെ ജാമ്യാപേക്ഷ സുൽത്താൻ ബത്തേരി ജുഡീഷ്യൽ ഫസ്റ്റ് ക്ലാസ് കോടതി തള്ളി.വയനാട്ടിലെ വാഴവറ്റയിലെ വീട്ടിൽ അനധികൃതമായി മദ്യം സൂക്ഷിച്ച കേസിൽ എക്സൈസ് അറസ്റ്റ് ചെയ്ത ആന്റോ അഗസ്റ്റിൻ റിമാൻഡ് ചെയ്തതിനെ തുടർന്ന് മാനന്തവാടി ജില്ലാ ജയിലിൽ കഴിയുകയാണ്.
ജാമ്യം നൽകിയാൽ കേസിന്റെ അന്വേഷണത്തെ ബാധിക്കുമെന്ന് പ്രോസിക്യൂഷൻ വാദിച്ചു.മദ്യം കണ്ടെത്തിയ വയനാട്ടിലെ വീട് ആന്റോയുടേതല്ലെന്ന വാദമാണ് പ്രതിഭാഗം ഉയർത്തിയത്.എക്സൈസ് നാളെ കസ്റ്റഡി അപേക്ഷ സമർപ്പിക്കും.
