തിരുവല്ല : കാവുംഭാഗം ആനന്ദേശ്വരം ശിവക്ഷേത്രം വക വസ്തുവിൽ അനധികൃതമായി പ്രവർത്തിച്ച ജേക്കബ്സ് തീയേറ്റർ തിരുവല്ല മുനസിഫ് കോടതി ജപ്തി ചെയ്തു.നിലവിൽ തിയേറ്റർ സ്ഥിതിചെയ്യുന്ന 35 സെൻ്റ് വസ്തുവിൻ്റെ അവകാശം സംബന്ധിച്ച് ദേവസ്വം കോടതിയെ സമീപിച്ചിരുന്നു. തിരുവല്ല പാലിയേക്കര കുറുന്തയിൽ വീട്ടിൽ തോമസ് ദേവസ്വത്തിന് നൽകേണ്ട 49,87,500 രൂപ നൽകി തിയേറ്റർ കെട്ടിടം കൈവശം വിട്ടൊഴിഞ്ഞ് നൽകണമെന്നായിരുന്നു ഉത്തരവ്.
ഉത്തരവ് നടപ്പാകാഞ്ഞതിനെ തുടർന്ന് ദേവസ്വം നൽകിയ വിധി നടത്ത് ഹർജിയിൽ മേലാണ് നടപടി.ജേക്കബ് തിയേറ്റർ സ്ഥിതി ചെയ്യുന്ന 35 സെൻ്റ് സ്ഥലം ദേവസ്വത്തിന് അവകാശപ്പെട്ടതാണെന്ന് കണ്ടെത്തിയതിനെ തുടർന്ന് കൈവശം വിട്ടൊഴിഞ്ഞ് ദേവസ്വത്തിന് നൽകുന്നതു വരെ 52,500 രൂപ പ്രതിമാസം നഷ്ടമെന്ന നിലയിൽ ദേവസ്വത്തിന് നൽകണമെന്നും കോടതി ഉത്തരവിൽ പറയുന്നു. ദേവസ്വത്തിനു വേണ്ടി അഡ്വ. ഡി.ശ്രീകുമാർ ഹാജരായി.
