പത്തനംതിട്ട : മലയാളികളുടെ ഓണ നാളുകൾക്ക് ഇന്ന് തുടക്കം. അത്തംമുതൽ ആരംഭിക്കുന്ന ആഘോഷങ്ങളുടെ 11–ാം ദിവസമാണ്‌ ഇക്കുറി തിരുവോണം. ചോതിനാൾ രണ്ടുദിവസം വരുന്നതിനാലാണിത്. 17നാണ് ചിങ്ങപ്പിറവി. 25ന് ഉത്രാടവും 26ന് തിരുവോണവുമാണ്.
എന്നാൽ അത്തം പത്തിന്‌ തിരുവോണമെന്ന ചൊല്ല്‌ ഇത്തവണ മാറും. പതിനൊന്നാം ദിവസമാണ്‌ തിരുവോണമെത്തുക. കർക്കടമാസ അവസാനം അത്തം പിറക്കുകയെന്ന അപൂർവതയും ഇക്കുറിയുണ്ട്. ഓണാഘോഷങ്ങൾക്ക്‌ തുടക്കം കുറിച്ച്‌ തൃപ്പൂണിത്തുറയിലെ അത്തംഘോഷയാത്രക്കുള്ള ഒരുക്കങ്ങൾ രാവിലെ ആരംഭിച്ചു.
