മദ്യലഹരിയിൽ റോഡരികിലെ വീട്ടിലേക്ക് കാറാേടിച്ചുകയറ്റി

കോട്ടയം : മദ്യലഹരിയിൽ യുവാവ് റോഡരികിലെ വീട്ടിലേക്ക് കാറാേടിച്ചു കയറ്റി. വെള്ളിയാഴ്ച രാത്രി കോട്ടയം കറുകച്ചാൽ പനയമ്പാലയിലാണ് സംഭവം. മല്ലപ്പള്ളി സ്വദേശി പ്രിനോ ഫിലിപ്പാണ് കാറോടിച്ചത്. അമിതവേഗത്തിലെത്തിയ കാർ ഗേറ്റ് ഇടിച്ചു തകർത്ത് വീട്ടിൽ ഇടിച്ചുനിൽക്കുകയായിരുന്നു.വയോധിക ഒറ്റയ്ക്ക് താമസിക്കുന്ന വീട്ടിലേക്കാണ് പ്രിനോ ഫിലിപ്പ് കാറോടിച്ചു കയറ്റിയത്. സംഭവത്തിൽ ആർക്കും പരിക്കില്ല.പൊലീസ് പ്രിനോ ഫിലിപ്പിനെ അറസ്റ്റ് ചെയ്ത് ജാമ്യത്തിൽ വിട്ടു. ഇയാളുടെ ലൈസന്‍സ് റദ്ദാക്കാനായി ആര്‍ടിഒയ്ക്ക് റിപ്പോര്‍ട്ട് നല്‍കുമെന്ന് പോലീസ് അറിയിച്ചു.