കേന്ദ്ര വിദ്യാഭ്യാസമന്ത്രി രാജിവയ്ക്കണമെന്ന് ആവശ്യപ്പെട്ട് ഡൽഹിയിൽ സി ജെ പി യുടെ പ്രതിഷേധം

ന്യൂഡൽഹി : കേന്ദ്ര വിദ്യാഭ്യാസമന്ത്രി ധർമേന്ദ്ര പ്രധാൻ രാജിവയ്ക്കണമെന്ന് ആവശ്യപ്പെട്ട് ഡൽഹിയിൽ കോക്രോച്ച് ജനതാ പാർട്ടി(സി ജെ പി) യുടെ പ്രതിഷേധം. രാവിലെ യുഎസിൽ നിന്ന് ഡൽഹിയിലെത്തിയ സിജെപി സ്ഥാപകൻ അഭിജിത് ദീപ്‍കെ ജന്തർമന്ദറിലെത്തി പ്രതിഷേധം ആരംഭിക്കുകയായിരുന്നു .രാവിലെ 10 മുതൽ വൈകിട്ട് 5 വരെയാണ് ഡൽഹി പൊലീസ് പ്രതിഷേധം നടത്താൻ സമയം അനുവദിച്ചിരിക്കുന്നത് .പ്രതിഷേധത്തിന് പിന്തുണയുമായി ജെഎൻയുവിൽ നിന്നുള്ള എസ്എഫ്ഐ, എംഎസ്എഫ് തുടങ്ങിയ വിദ്യാർത്ഥി സംഘടനകളും എത്തി .