മലപ്പുറം : മലപ്പുറം ജില്ലയിലെ തലപ്പാറയിയിലെ ദേശീയ പാതയിൽ വിള്ളൽ. നിര്മാണം പൂര്ത്തിയായ പുതിയ ആറുവരി പാതയിലാണ് വിള്ളലുണ്ടായത്. ഇതുവഴിയുള്ള ഗതാഗതം പൂർണമായും നിരോധിച്ചു. കഴിഞ്ഞ ദിവസം ദേശീയപാതയുടെ ഒരുഭാഗം തകര്ന്നു വീണ പ്രദേശത്തിന് നാലു കിലോമീറ്ററോളം അകലെയാണ് വിള്ളല് കണ്ടെത്തിയത് .വയലിന് സമീപം ഉയര്ത്തി നിര്മിച്ച റോഡിന്റെ അടിഭാഗത്തെ മണ്ണുനീങ്ങുന്നതാണ് വിള്ളലിന് കാരണമെന്ന് നാട്ടുകാര് ആരോപിക്കുന്നു .
അതേസമയം ,കനത്ത മഴയെ തുടർന്ന് കാഞ്ഞങ്ങാട് ചെമ്മട്ടംവയലിന് സമീപം നിർമ്മാണം നടക്കുന്ന ദേശീയപാതയിലെ സർവീസ് റോഡ് ഇടിഞ്ഞു. ഇതുവഴിയുള്ള ഗതാഗതം വഴി തിരിച്ചു വിട്ടു.
