കാസര്‍കോട് : നീലേശ്വരത്ത് ഓടിക്കൊണ്ടിരുന്ന കെഎസ്ആര്‍ടിസി പ്രിയദര്‍ശിനി ബസിന്റെ പ്ലാറ്റ്ഫോം തകര്‍ന്ന് യാത്രക്കാരിയുടെ കാലിന് പരിക്ക്.ബസിന്റെ ടയർ പൊട്ടിത്തെറിച്ചാണ് പ്ലാറ്റ്ഫോം തകര്‍ന്നത് .പൊട്ടിവീണ പ്ലാറ്റ്ഫോമിൽ കുടുങ്ങി യാത്രക്കാരിയായ കുഞ്ഞായിഷ (39)യുടെ ഇടതുകാലിന്റെ എല്ലിനു പൊട്ടൽ ഉണ്ട്.
പയ്യന്നൂരില്‍ നിന്ന് കാഞ്ഞങ്ങാട്ടേക്ക് പോകുകയായിരുന്ന ബസിലാണ് അപകടമുണ്ടായത്.ബസ് പടന്നക്കാട് എത്തിയപ്പോൾ ബസിന്റെ പിന്നിലെ ടയര്‍ വലിയ ശബ്ദത്തോടെ പൊട്ടികയും ടയര്‍ പൊട്ടിയതിന്റെ ആഘാതത്തില്‍ ബസിന്റെ പ്ലാറ്റ്ഫോം തകരുകയുമായിരുന്നു.
