പത്തനംതിട്ട : കൊടുമൺ വിമാനത്താവള പദ്ധതി പ്രവർത്തനങ്ങൾക്ക് ചിറക് മുളയ്ക്കുന്നു. വിമാനത്താവള പദ്ധതിയെക്കുറിച്ച് ചർച്ച ചെയ്യാൻ മുഖ്യമന്ത്രി വി.ഡി. സതീശൻ സമ്മതം അറിയിച്ചതായി കൊടുമൺ വിമാനത്താവള ആക്ഷൻ കമ്മിറ്റി ഭാരവാഹികൾ അറിയിച്ചു.
ഇതു സംബന്ധിച്ച ചർച്ചകൾ നടത്താനായി അടുത്ത ദിവസം മുഖ്യമന്ത്രിയെ കാണാനാണ് തീരുമാനമെന്ന് ഭാരവാഹികൾ പറഞ്ഞു. ശബരിമല വികസനത്തിൻ്റെ ഭാഗമായി പത്തനംതിട്ടയിലോ അനുബന്ധ പ്രദേശങ്ങളിലോ വിമാനത്താവളത്തിന് അനുയോജ്യമായ സ്ഥലം കണ്ടെത്താൻ കേന്ദ്ര വ്യോമയാന മന്ത്രാലയം നേരത്തെ തന്നെ അനുമതി നൽകിയിരുന്നു.
സംസ്ഥാന സർക്കാരിൽ നിന്ന് ഭൂമി ഏറ്റെടുക്കൽ വിവരങ്ങൾ പിന്നാലെ കേന്ദ്ര സർക്കാരിനെ അറിയിക്കേണ്ടതുമുണ്ട്. സിയാൻ മാതൃകയിൽ പദ്ധതി നടപ്പാക്കാനാകുമോ എന്നതാണ് ആദ്യം പരിശോധിക്കുക. പദ്ധതി നടപ്പാക്കുന്ന ഏജൻസിയുടെ സാമ്പത്തിക സ്രോതസും സർക്കാർ പരിശോധിക്കും
