Friday, April 4, 2025
No menu items!

subscribe-youtube-channel

HomeNewsവെള്ളപ്പൊക്കത്തിൽ കറുത്താലി...

വെള്ളപ്പൊക്കത്തിൽ കറുത്താലി തോട്ടിലെ ഷട്ടർ കവിഞ്ഞൊഴുകുന്നു

തിരുവല്ല : കുറ്റൂർ – മനയ്ക്കച്ചിറ റോഡിൽ കറുത്താലി തോട്ടിലെ പാലത്തിന് താഴെ സ്ഥാപിച്ച ഷട്ടർ ഓരോ വെള്ളപ്പൊക്കത്തിലും കവിഞ്ഞൊഴുകുന്നതോടെ പ്രദേശവാസികൾ ആശങ്കയിൽ. കറുത്താലി തോട്ടിൽ ജലനിരപ്പ് ഉയരുമ്പോൾ കുറ്റൂർ പഞ്ചായത്തിലെ മൂന്ന് ( 3, 4, 11 ) വാർഡുകളിൽ ഉണ്ടാകുന്ന വെള്ളപ്പൊക്ക നിയന്ത്രണത്തിനാണ് ഷട്ടർ സ്ഥാപിച്ചത്. പാലത്തിൻ്റെ മുകൾ തട്ടുമായി 3 അടിയോളം താഴ്ച്ചയിലാണ് ഷട്ടർ സ്ഥാപിച്ചിരിക്കുന്നത്. ഇതാണ് വെള്ളം കവിഞ്ഞൊഴുകാൻ കാരണമായത്.

പൊട്ടൻമല, ചിറ്റയ്ക്കാട് ,ശാസ്തനട, ഗുരുമന്തിരം കവല , പള്ളിമല , മധുരംപുഴ , കോതാട്ടുചിറ , ചേരിക്കൽ തോട് , ഏറ്റുകടവ് പാടശേഖരം എന്നിവിടങ്ങളിൽ വെള്ളമെത്തുന്നത് കറുത്താലി ഷട്ടർ വഴിയാണ്. ഈ ഷട്ടറിനു സമീപം ഒരു വർഷമായി വാട്ടർ അതോറിറ്റിയുടെ കുടിവെള്ള പൈപ്പ് ലൈൻ പൊട്ടി വെള്ളം ഷട്ടറിൽ വീണ് ഒരെണ്ണം തുരുമ്പ് എടുത്ത് പ്രവർത്തനരഹിതമായി.

ചെറുകിട ജലസേചന വകുപ്പ് ഷട്ടർ ഉയർത്താൻ നടപടി സ്വികരിക്കുമെന്ന് പറഞ്ഞിരുന്നെങ്കിലും നടപടി തുടങ്ങിയിട്ടില്ല. കുറ്റൂർ – മനയ്ക്കച്ചിറ റോഡ് ഉന്നത നിലവാരത്തിൽ പണിതപ്പോൾ റോഡിൻ്റെ കൂടെ പാലവും പുതുക്കി. എന്നാൽ പഴയപാലത്തിനൊത്ത് ഷട്ടറിൻ്റെ രൂപകല്പനയിൽ മാറ്റം വന്നില്ല. ഇതോടെ ഓരോ വെള്ളപ്പൊക്കത്തിലും മണിമലയാറ്റിൽ നിന്നും കുതിച്ച് എത്തുന്ന വെള്ളം പഞ്ചായത്തിനെ തീരാ ദുരിതത്തിലേക്ക് മാറ്റി. നാളുകളായി പ്രദേശവാസികൾ ഈ പ്രശ്നം അധികൃതരെ ബോധ്യപ്പെടുത്തിയിട്ടും നടപടി ഉണ്ടായില്ല.

- Advertisment -

RELATED ARTICLES
Advertisment

- Advertisement -

ബ്രഹ്മകുമാരീസ്  രക്ഷാബന്ധൻ മഹോത്സവം ആഘോഷിച്ചു

തിരുവല്ല : രക്ഷാബന്ധൻ മഹോത്സവത്തിന്റെ ഭാഗമായി ബ്രഹ്മകുമാരീസ്  ഈശ്വരീയ വിശ്വ വിദ്യാലയം ചലച്ചിത്ര നിർമ്മാതാവ് ബാബു തിരുവല്ലയെ രാഖി അണിയിച്ച് ആഘോഷങ്ങൾക്ക് തുടക്കമായി.തിരുവല്ല രാജയോഗ ധ്യാന കേന്ദ്രം മുഖ്യ കാര്യ ദർശി ബ്രഹ്മകുമാരി...

മംഗലപുരം മുൻ ഏരിയ സെക്രട്ടറി മധു മുല്ലശ്ശേരിയെ സിപിഎം പുറത്താക്കി

തിരുവനന്തപുരം : തിരുവനന്തപുരം മംഗലപുരം മുൻ ഏരിയ സെക്രട്ടറി മധു മുല്ലശ്ശേരിയെ സിപിഎം പുറത്താക്കി.പാര്‍ട്ടി തത്വങ്ങള്‍ക്ക് വിരുദ്ധമായി പ്രവര്‍ത്തിക്കുകയും പൊതുജനമധ്യത്തില്‍ പാര്‍ട്ടിയെ അപകീര്‍ത്തിപ്പെടുത്തുകയും ചെയ്‌തതിനാൽ പ്രാഥമികാംഗത്വത്തില്‍നിന്ന് പുറത്താക്കുന്നുവെന്ന് ജില്ലാ സെക്രട്ടറി അഡ്വ.വി.ജോയി ഇറക്കിയ...
- Advertisment -

Most Popular

- Advertisement -