ധാക്ക : മുൻ ബംഗ്ലാദേശ് പ്രധാനമന്ത്രി ഷെയ്ഖ് ഹസീന രാജ്യം വിട്ട് ഹെലികോപ്റ്ററിൽ രക്ഷപ്പെടുന്നതിന്റെ ദൃശ്യങ്ങൾ പങ്കുവച്ച മുൻ വ്യോമസേന ഉദ്യോഗസ്ഥൻ മരിച്ച നിലയിൽ.മുൻ വ്യോമസേനാ ഉദ്യോഗസ്ഥൻ കെ.എം. തഹ്സീഫ് സൗരിയുടെ (28) മൃതദേഹം തുരാഗ് നദിയിൽ നിന്നാണ് കണ്ടെത്തിയത്.
2024 ഓഗസ്റ്റ് അഞ്ചിന് ഷെയ്ഖ് ഹസീന അധികാരത്തിൽ നിന്ന് പുറത്തായി രാജ്യം വിടുന്ന ദൃശ്യങ്ങൾ പകർത്തിയത് സൗരിയാണെന്ന തരത്തിൽ നേരത്തെ റിപ്പോർട്ടുകൾ പുറത്തുവന്നിരുന്നു.ഒക്ടോബർ 27 മുതലാണ് സൗരിയെ കാണാതായത്ത്.ഷെയ്ഖ് ഹസീനയുടെ പലായന ദൃശ്യങ്ങൾ പുറത്തുവിട്ടതിനു പിന്നാലെ തഹ്സീഫ് നിരന്തരം വേട്ടയാടപ്പെട്ടിരുന്നുവെന്നും നടന്നതു കൊലപാതകമാണെന്നും കുടുംബം ആരോപിക്കുന്നു
