കോഴഞ്ചേരി : വായ്പ തിരിച്ചടവുകൾ മുടങ്ങിയതിൽ മനം നൊന്ത് വീട്ടമ്മ തീ കൊളുത്തി ആത്മഹത്യയ്ക്ക് ശ്രമിച്ചു. തെക്കേമല പന്നിവേലിച്ചിറ ഫിഷറീസിന് സമീപം മത്തയ്ക്കുമലയിൽ സെബാസ്റ്റ്യന്റെ ഭാര്യ സിന്ധു (46) ആണ് മണ്ണണ്ണ ഒഴിച്ച് ആത്മഹത്യയ്ക്ക് ശ്രമിച്ചത്. വ്യാഴം ഉച്ചയ്ക്ക് 1 മണിയോടെ ആയിരുന്നു സംഭവം.
60 ശതമാനത്തിലധികം പൊളളല്ലേറ്റ വീട്ടമ്മയെ കോഴഞ്ചേരി ജില്ലാ ആശുപതിയിൽ പ്രവേശിപ്പിച്ചു. അയൽവാസികളാണ് ഇവരെ ആശുപത്രിയിൽ എത്തിച്ചത്. സംഭവം നടക്കുമ്പോൾ സിന്ധു മാത്രമാണ് വീട്ടിൽ ഉണ്ടായിരുന്നത്. ഭർത്താവ് സെബാസ്റ്റ്യൻ കഴിഞ്ഞ 1 മാസമായി എറണാകുളത്ത് സെക്യൂരിറ്റി ജീവനക്കാരനായി ജോലി ചെയ്യുകയാണ്. സംഭവ സമയത്ത് ഏക മകൾ അയൽപക്കത്തെ വീട്ടിലുമായിരുന്നു.
മൈക്രോ ഫിനാൻസ് ഉൾപ്പെടെ ഒട്ടേറെ വായ്പകൾ എടുത്തിട്ടുള്ള സിന്ധു പണം തിരികെ അടയ്ക്കാൻ കഴിയാത്തതിലുള്ള മനോ വിഷമത്തിലായിരുന്നു വെന്ന് സമീപവാസികൾ പറഞ്ഞു. ആറന്മുള പൊലീസ് സ്ഥലത്ത് എത്തി
