തിരുവനന്തപുരം : സി പി എംന്റെ കുതന്ത്രങ്ങളെ അതേനാണയത്തിൽ തിരിച്ചടിച്ചു ഗവർണർ സർക്കാരിനെ വെട്ടിലാക്കിയെന്നു കെ മുരളീധരൻ പ്രസ്താവിച്ചു. അധ്യാപകർക്കും ജീവനക്കാർക്കും ക്ഷാമബത്ത, ശമ്പളകുടിശ്ശിക , സറണ്ടർ അടക്കമുള്ള ആനുകൂല്യങ്ങൾ നിഷേധിച്ച സർക്കാരിനെതിരെ കെ പി സി ടി എ , ജിസിടി ഒ, കെ പി സി എം എസ് എ സംഘടനകൾ സംയുക്തമായി നടത്തിയ സെക്രട്ടറിയേറ്റു മാർച്ച് ഉത് ഘടനം ചെയ്ത് സംസാരിക്കുകയായിരുന്നു അദ്ദേഹം.
സംസ്ഥാന ഭരണം ആകെ കുത്തഴിഞ്ഞ രീതിയിൽ ആയ സാഹചര്യത്തിൽ അധ്യാപകരുടെയും ജീവനക്കാരുടെയും ആനുകൂല്യങ്ങൾ മാത്രമല്ല , ഇടതുപക്ഷ നേതാക്കളുടെ ധാർഷ്ട്യം മൂലം പല ജീവനക്കാരുടെയും ജീവൻ പോലും അപകടത്തിൽ ആയ അവസ്ഥ ദാരണമെന്ന് അദ്ദേഹം പറഞ്ഞു. കേരള സർക്കാരിന്റെ നിഷേധ സമീപനം മൂലം അധ്യാപകർക്കു ഭീമമായ നഷ്ടം ഉണ്ടായിട്ടുണ്ടെന്നു കെ പി സി ടി എ സംസ്ഥാന പ്രസിഡണ്ട് ആർ അരുൺ കുമാർ അറിയിച്ചു .നാലുവർഷ ഡിഗ്രി പ്രോഗ്രാം നടപ്പിലാക്കിയത് വ്യക്തമായ പഠനം നടത്താത്തത് കാരണമാണ് എന്ന് അനുഭവം കൊണ്ട് വ്യക്തമായതായും ഇലക്ഷൻ പ്രഖ്യാപിക്കുമ്പോൾ 2 ഗഡു ഡി എ പ്രഖ്യാപിച്ചു ജീവനക്കാരുടെ കണ്ണിൽ പൊട്ടിയിടാൻ സർക്കാർ ശ്രമിക്കുകയാണെന്നും അദ്ദേഹം പറഞ്ഞു
ഡോ ഗ്ലാഡ്സ്റ്റൺ രാജ് , ദിനേശൻ കെ ടി , ഡോ.പ്രേമചന്ദ്രൻ കീഴോത്ത് , ഫസിൽ അഹമ്മദ്, സ്റ്റാലിൻ രാജഗിരി, ഡോ ആൽസൺ മാർട്,ഡോ ഷിനിൽ ജെയിംസ് എന്നിവർ സംസാരിച്ചു.
