Tuesday, November 17, 2026
No menu items!

subscribe-youtube-channel

HomeNewsശബരിമലയിൽ തീർഥാടക...

ശബരിമലയിൽ തീർഥാടക പ്രവാഹം ; വൃശ്ചികപ്പുലരിയിൽ വൻ ഭക്തജനത്തിരക്ക്

ശബരിമല : വൃശ്ചികപ്പുലരിയിൽ അയ്യപ്പദർശനത്തിനായി വിവിധ സംസ്ഥാനങ്ങളിൽനിന്ന് ആയിരക്കണക്കിന് തീർഥാടകരാണ് പമ്പയിലും സന്നിധാനത്തും എത്തുന്നത്. ശബരിമലയിലെ പുതിയ മേൽശാന്തിയായി സുബ്രഹ്മണ്യൻ ശങ്കരൻ നമ്പൂതിരിയും മാളികപ്പുറം മേൽശാന്തിയായി എ. ദാമോദരൻ നമ്പൂതിരിയും ചുമതലയേറ്റു.  ഇന്ന് പുതിയ മേൽശാന്തിമാരുടെ നേതൃത്വത്തിലാണ് ക്ഷേത്രനട തുറന്ന് നിത്യപൂജകൾ ആരംഭിച്ചത്.

തിരക്ക് നിയന്ത്രിക്കുന്നതിനും തീർഥാടകർക്ക് സുഗമമായ ദർശനം ഉറപ്പാക്കുന്നതിനുമായി പൊലീസ്, ദേവസ്വം ബോർഡ് എന്നിവയുടെ നേതൃത്വത്തിൽ വിപുലമായ ക്രമീകരണങ്ങളാണ് ഏർപ്പെടുത്തിയിരിക്കുന്നത്.

നിലയ്ക്കലിൽനിന്ന് പമ്പയിലേക്കുള്ള കെ.എസ്.ആർ.ടി.സി ബസ് യാത്രയുടെ ആദ്യദിവസം തന്നെ തീർഥാടകർക്ക് വലിയ തിരക്കാണ് അനുഭവപ്പെടുന്നത്. തിരക്ക് കണക്കിലെടുത്ത് നിശ്ചയിച്ചതിലും 50 മിനിറ്റ് നേരത്തേ ആദ്യ സർവീസ് ആരംഭിച്ചെങ്കിലും യാത്രക്കാരുടെ തിരക്ക് നിയന്ത്രിക്കാൻ പ്രയാസമുണ്ടായി. ഒരു മണിക്കൂറിൽ 66 ചെയിൻ സർവീസുകൾ വരെ നടത്തേണ്ട സാഹചര്യമാണ്.

ദർശനത്തിനായി പ്രതിദിനം പരമാവധി 80,000 തീർഥാടകരെയാണ് അനുവദിക്കുന്നത്. ഉദ്ഘാടന ദിവസമായ ഇന്നലെ ഏകദേശം 30,000 പേർ ദർശനത്തിനായി ബുക്ക് ചെയ്തിരുന്നു. വെർച്വൽ ക്യൂ, സ്പോട്ട് ബുക്കിങ് സംവിധാനങ്ങളിലൂടെയാണ് പ്രവേശനം നിയന്ത്രിക്കുന്നത്. പമ്പയിൽ സ്പോട്ട് ബുക്കിങ് സൗകര്യമില്ല.

തിരക്ക് നിയന്ത്രിക്കുന്നതിനും സുരക്ഷ ഉറപ്പാക്കുന്നതിനുമായി അയ്യായിരത്തോളം പൊലീസുകാരെ വിന്യസിച്ചിട്ടുണ്ട്. ആർ.എ.എഫ്, എൻ.ഡി.ആർ.എഫ് സംഘങ്ങളും സന്നിധാനത്ത് ചുമതലയേറ്റു. പതിനെട്ടാംപടിയിൽ മിനിറ്റിൽ 75 മുതൽ 80 വരെ തീർഥാടകരെ ആണ് കയറ്റി വിടുന്നത്. തിരക്ക് നിരീക്ഷിക്കാൻ നിർമിതബുദ്ധി അധിഷ്ഠിത ക്യാമറകളും സ്ഥാപിച്ചിട്ടുണ്ട്.

- Advertisment -

RELATED ARTICLES
Advertisment

Desham News

- Advertisement -

ദേശിയ സാമ്പിൾ സർവേ (എൻഎസ്എസ്) 81 -ാം ഘട്ടം : ആലപ്പുഴയിൽ തുടക്കമായി

ആലപ്പുഴ : സംസ്ഥാന സ്ഥിതിവിവരകണക്ക് വകുപ്പ്, കേന്ദ്ര സ്ഥിതിവിവരക്കണക്ക് (ഡിപ്പാർട്ട്മെന്റ് ഓഫ് ഇക്കണോമിക്സ് ആൻഡ് സ്റ്റാറ്റിസ്റ്റിക്സ്) നാഷണൽ സ്റ്റാറ്റിസ്റ്റിക്കൽ ഓഫീസുമായി  (എൻഎസ്ഓ) സഹകരിച്ച് നടത്തുന്ന ദേശിയ സാമ്പിൾ സർവേയുടെ 81 -ാം ഘട്ട...

പോളിങ് ബൂത്തിൽ സ്വാഗതമോതി കോട്ടയം ഡൂഡിലുകൾ

കോട്ടയം: ജില്ലയെക്കുറിച്ചുള്ള സചിത്രവർണനകളുമായി പോളിങ് ബൂത്തുകളിലേക്ക് സ്വാഗതമോതാൻ കോട്ടയം ഡൂഡിലുകൾ. വെള്ളിയാഴ്ച ലോക്‌സഭാ തെരഞ്ഞെടുപ്പു നടക്കുന്ന ജില്ലയുടെ വിവിധ പോളിങ് ബൂത്തുകളിലാണ് സ്വാഗതവും നെയിം ബോർഡുകളുമായി കോട്ടയം ഡൂഡിലുകൾ നിറഞ്ഞുനിൽക്കുന്നത്. ജില്ലാ തെരഞ്ഞെടുപ്പ് ഓഫീസറും...
- Advertisment -

Most Popular

- Advertisement -