ശബരിമല: കന്നിമാസ പൂജയ്ക്കായി ശബരിമല ധർമശാസ്താ ക്ഷേത്രനട 16-ന് വൈകീട്ട് 5.30-ന് തുറക്കും. തന്ത്രി ബ്രഹ്മദത്തന്റെ കാർമികത്വത്തിൽ മേൽശാന്തി ഇ.ഡി. പ്രസാദ് നമ്പൂതിരി നട തുറന്ന് ദീപം തെളിക്കും. തുടർന്ന് ആഴിയിൽ അഗ്നി പടരും. കന്നിമാസ പൂജ പൂർത്തിയാക്കി 21-ന് രാത്രി 10-ന് നട അടയ്ക്കും. നെയ്യഭിഷേകം, കലശാഭിഷേകം, പടിപൂജ എന്നിവയുണ്ട്.
കന്നിമാസ പൂജയുടെ ഭാഗമായി വെർച്വൽ ബുക്കിങ് തുടങ്ങി. WWW. sabarimalaonline.org എന്നവെബ്സൈറ്റ് വഴി ബുക്കിങ് നടത്താം. www.onlinetdb.com എന്ന സൈറ്റ് വഴി സന്നിധാനത്ത് ദേവസ്വം ബോർഡിന്റെ ഗസ്റ്റ് ഹൗസുകളിലും പിൽഗ്രിം സെന്ററുകളിലും മുറി ബുക്കു ചെയ്യാവുന്നതാണ്.
