കാസർകോട് : കാസർകോട് മഞ്ചേശ്വരം വോർക്കാടിയിൽ മകൻ അമ്മയെ തീകൊളുത്തി കൊന്നു.വോർക്കാടി സ്വദേശി ഹിൽഡ മൊണ്ടേറയാണ് (60) മരിച്ചത്. മകൻ മെൽവിൻ മൊണ്ടേറ (32) ഒളിവിലാണ്.കെട്ടിട നിർമ്മാണ തൊഴിലാളിണ് മെൽവിൻ.ഇന്നലെ രാത്രിയാണ് സംഭവം നടന്നത്.
ഉറങ്ങിക്കിടന്ന ഹിൽഡയുടെ ദേഹത്ത് മകൻ പെട്രോളൊഴിച്ച് തീ കൊളുത്തുകയായിരുന്നു. പിന്നീട് അമ്മയ്ക്ക് സുഖമില്ലെന്നു പറഞ്ഞ് അയൽവാസിയായ ലോലിറ്റയെ ഇയാൾ വീട്ടിലേക്ക് വിളിച്ചു വരുത്തി ഇവരുടെ ദേഹത്തും പെട്രോളൊഴിച്ച് തീ കൊളുത്തി.ഗുരുതര പരുക്കുകളോടെ ലോലിറ്റ മംഗ്ലൂരുവിലെ സ്വകാര്യ ആശുപത്രിയിൽ ചികിത്സയിലാണ്.പ്രതി മെൽവിനായി പൊലീസ് തിരച്ചിൽ ആരംഭിച്ചു.
 മരിച്ചത്){kind=link}