തിരുവനന്തപുരം : സംസ്ഥാനത്ത് കൊടും ചൂട് തുടരുന്നു .ചൂട് വര്ദ്ധിച്ചതോടെ സംസ്ഥാനത്തെ വൈദ്യുതി ആവശ്യകതയും റെക്കോര്ഡുകള് ഭേദിക്കുകയാണ്. ഇന്നലെ വൈകുന്നേരത്തെ വൈദ്യുതി ആവശ്യം 6012 മെഗാവാട്ട് എന്ന റെക്കോഡിലേയ്ക്ക് ഉയര്ന്നു. തിങ്കളാഴ്ച ഇത് 5933 മെഗാവാട്ടായിരുന്നു
ഏപ്രില് 18 വരെ സംസ്ഥാനത്തെ ഭൂരിഭാഗം ജില്ലകളിലും കടുത്ത ചൂടും അസ്വസ്ഥതയും തുടരുമെന്ന് കേന്ദ്ര കാലാവസ്ഥാ വകുപ്പ് മുന്നറിയിപ്പ് നല്കി.വയനാടും ഇടുക്കിയും ഒഴികെയുള്ള12 ജില്ലകളിലാണ് ഉയർന്ന താപനില മുന്നറിയിപ്പുള്ളത്. പാലക്കാട് ഇന്നലെ 40 ഡിഗ്രി സെൽഷ്യസ് താപനിലയാണ് രേഖപ്പെടുത്തിയത്. പത്തനംതിട്ട മുതല് കാസര്ഗോഡ് വരെയുള്ള ഒന്പത് ജില്ലകളില് താപനില 37 ഡിഗ്രി സെല്ഷ്യസ് വരെയും തിരുവനന്തപുരത്ത് 36 ഡിഗ്രി സെല്ഷ്യസ് വരെയും ഉയരാന് സാധ്യതയുണ്ട്.
