തിരുവല്ല : അഴിയിടത്തുചിറ ഗവ:ഹൈസ്കൂളിൽ വായന ദിന പ്രവർത്തനങ്ങൾ വായന ദിന വിളംബര റാലിയോടെ ആരംഭിച്ചു. വായനയുടെ മഹത്വം വിളിച്ചോതുന്ന പോസ്റ്ററുകൾ കയ്യിലേന്തിയാണ് കുട്ടികൾ റാലിയിൽ പങ്കെടുത്തത്.
ഗുരു ശ്രേഷ്ഠ അവാർഡ് ജേതാവും അധ്യാപകനുമായ തോമസ് ചെറിയാൻ വായന ദിനപ്രവർത്തനങ്ങൾ ഉദ്ഘാടനം ചെയ്‌തു. ഒരു വർഷം നീണ്ടുനിൽക്കുന്ന വായന പ്രവർത്തനങ്ങൾക്ക് തുടക്കം കുറിച്ചാണ് വായന ദിനാചരണം നടന്നത്. സ്കൂൾ ഹെഡ്മാസ്റ്റർ സോണി പീറ്റർ, നിയാസ് എൻ., അജീഷ് ജെ.സി കുമാർ, ദീപക് ജോൺസ്, ജയന്തി തുടങ്ങിയ അദ്ധ്യാപകർ പ്രവർത്തനങ്ങൾക്കു നേതൃത്വം നൽകി. പുസ്തക പ്രദർശനം, പോസ്റ്റർ പ്രദർശനം എന്നിവയും നടന്നു .
മുൻ ഹെഡ്മിസ്ട്രസ് ലീന ജോസ് ,പ്രോഗ്രാം കൺവീനർ ദീപ.കെ പിള്ള എന്നിവർ യോഗത്തിന് ആശംസകൾ അർപ്പിച്ചു.
