ആലപ്പുഴ: ആലപ്പുഴയിലെ ബീച്ച് ടൂറിസത്തിന് പുതുജീവൻ നൽകിയ മാരാരി ബീസ്റ്റിന് വർണ്ണ ശബളമായ ഘോഷയാത്രയോടെ തുടക്കം. 2026 ജനുവരി 2 വരെ നടക്കുന്ന ബീച്ച് ഫെസ്റ്റിൻ്റെ കലാ പരിപാടികൾ ഡിസംബർ 29,30,31 തിയതികളിലാണ്. 30 ന് ഏയ്ഞ്ചൽ വോയിസ് മൂവാറ്റുപുഴ അവതരിപ്പിക്കുന്ന ഗാനമേള. 31 ന് ഊരാളി ബാൻഡ് മ്യൂസിക് ഷോയും DJ യും കൂടാതെ പുതുവത്സരത്തെ വരവേൽക്കാൻ 45 അടി ഉയരമുള്ള പാപ്പാഞ്ഞിയെ കത്തിക്കുന്ന പരിപാടിയും കരിമരുന്ന് കലാവിരുന്നും ബീച്ചിൽ ഉണ്ടായിരിക്കും.
ഡിസംബർ 27 മുതൽ ജനുവരി 2 വരെ കുടുംബശ്രീ ഫുഡ് ഫെയറും ബീച്ചിൽ നടക്കും. മാരാരി ബീച് ഫെസ്റ്റ് ആലപ്പുഴ എംഎൽഎ പി പി ചിത്തരഞ്ജൻ ഉദ്ഘാടനം ചെയ്തു. മാരാരിക്കുളം വടക്ക് ഗ്രാമ പഞ്ചായത്ത് പ്രസിഡന്റ് സി കെ സരള അധ്യക്ഷത വഹിച്ചു.
