മൂന്നാർ : ഝാര്‍ഖണ്ഡില്‍ പോലീസ് ഉദ്യോഗസ്ഥരെ കൊലപ്പെടുത്തിയ കേസില്‍ ഒളിവില്‍ കഴിഞ്ഞിരുന്ന മാവോയിസ്റ്റിനെ എന്‍ഐഎ അറസ്റ്റ് ചെയ്തു.മൂന്നാര്‍ ഗോഡാര്‍വിള എസ്റ്റേറ്റില്‍ തോട്ടം തൊഴിലാളിയായി കഴിയുകയായിരുന്ന സഹന്‍ ടുട്ടി ദിനബു (30) ആണ് അറസ്റ്റിലായത്.ഭാര്യയോടൊപ്പം ഒന്നര വര്‍ഷത്തോളമായി ഇയാള്‍ മൂന്നാറിലാണ് ഉണ്ടായിരുന്നത്.
2021 മാർച്ചിൽ നടന്ന സ്ഫോടനത്തിൽ മാവോയിസ്‌റ്റുകളെ തിരഞ്ഞുകൊണ്ട് ലാഞ്ച വനമേഖലയില്‍ തിരച്ചില്‍ നടത്തുകയായിരുന്ന പ്രത്യേക സംഘത്തില്‍പ്പെട്ട മൂന്ന് ഉദ്യോഗസ്ഥരാണ് കൊല്ലപ്പെട്ടത്.രഹസ്യ വിവരത്തിന്റെ അടിസ്ഥാനത്തിൽ എന്‍.ഐ.എ. എൻഐഎ റാഞ്ചി യൂണിറ്റിൽ നിന്നുള്ള സംഘമാണ് ഇയാളെ പിടികൂടിയത്.
