ചങ്ങനാശ്ശേരി: നായർ സർവീസ് സൊസൈറ്റിക്ക് എൻ.എസ്.എസിന് 214 കോടി രൂപയുടെ ആസ്തി. പ്രസിഡന്റ് ഡോ. എം. ശശികുമാറിന്റെ അധ്യക്ഷതയിൽ ചേർന്ന പ്രതിനിധിസഭാ യോഗത്തിലാണ് കണക്ക് അവതരിപ്പിച്ചത്. 2025-26 സാമ്പത്തിക വർഷത്തെ വരവുചെലവ് കണക്കും ബാക്കിപത്രവും പ്രതിനിധിസഭായോഗം പാസാക്കി. 171.01 കോടി രൂപ വരവും, 157.45 കോടി രൂപ ചെലവും, 13.55 കോടി രൂപ നീക്കിയിരുപ്പും, 12.33 കോടി രൂപ റവന്യൂ മിച്ചവും കാണിക്കുന്ന വരവുചെലവുകണക്കും 214 കോടി രൂപയുടെ സ്വത്തുവിവരങ്ങൾ അടങ്ങുന്ന ബാക്കിപത്രവും അവതരിപ്പിച്ചു.
എൻ.എസ്.എസ് ട്രഷറർ എൻ. വി. അയ്യപ്പൻപിള്ള ഓഡിറ്റേഴ്സ് റിപ്പോർട്ട് അവതരിപ്പിച്ചു. ചർച്ചകൾക്ക് ശേഷം യോഗം ഐകകണ്ഠ്യേന അംഗീകരിച്ചതായി എൻ.എസ്.എസ് ജനറൽ സെക്രട്ടറി ജി. സുകുമാരൻനായർ അറിയിച്ചു
