തിരുവനന്തപുരം : ഇഡി കേസ് പ്രതികള്‍ സ്റ്റേഷനില്‍ ഓണാഘോഷവും റീല്‍സ് ചിത്രീകരണവും നടത്തിയതില്‍ പൊലീസിന് ഗുരുതര വീഴ്ചയുണ്ടായെന്ന് കമ്മിഷണറുടെ പ്രാഥമികാന്വേഷണ റിപ്പോര്‍ട്ട്.ജാമ്യവ്യവസ്ഥപ്രകാരം തിരുവനന്തപുരം മ്യൂസിയം സ്റ്റേഷനിൽ ഒപ്പിടാനെത്തിയ കോർപറേഷൻ മുൻ കൗൺസിലറും സിപിഎം നേതാവുമായി ഐ.പി. ബിനുവും കൂട്ടുപ്രതികളുമാണ് സ്റ്റേഷനിലെ ഓണഘോഷങ്ങളിൽ പങ്കെടുത്തത് .
ഒപ്പിടാൻ എത്തിയ പ്രതികളെ ഒപ്പിടുന്ന നടപടിക്ക് ശേഷം സ്റ്റേഷനിൽനിന്ന് പറഞ്ഞുവിടുന്നതിൽ വീഴ്ചവരുത്തി.പ്രതികൾ സ്റ്റേഷനിൽ കൂട്ടംകൂടി നിൽക്കുകയും ഓണാഘോഷങ്ങളിൽ പങ്കെടുക്കുകയും ചെയ്തത് ഉചിതമായില്ലെന്നും റിപ്പോർട്ടിൽ പറയുന്നുണ്ട്. പൊലീസിന്റെ സമാന നിറത്തിലുള്ള ഷര്‍ട്ടാണ് ഐ പി ബിനുവിനും ധരിച്ചിരുന്നത്.ഇതിനെക്കുറിച്ചും വിശദമായ അന്വേഷണം നടക്കണമെന്ന് റിപ്പോർട്ടിൽ പറയുന്നു.
