ഇടുക്കി : വളവ് തിരിയുന്നതിനിടെ കെഎസ്ആർടിസി ബസിൽ നിന്ന് തെറിച്ചു വീണ് യാത്രക്കാരി മരിച്ചു .ഉപ്പുതറ ചീന്തലാർ ഒന്നാം ഡിവിഷനിൽ സ്വർണ്ണമ്മ ആണ് മരിച്ചത്. ഇന്ന് രാവിലെ കുട്ടിക്കാനം-കട്ടപ്പന റൂട്ടിൽ ചിന്നാർ നാലാംമയിൽ ഏറമ്പത്തിന് സമീപത്താണ് അപകടമുണ്ടായത്.
ബസ് വളവ് തിരിയുന്നതിനിടെ ബസിന്റെ വാതിലിന് സമീപത്തെ കമ്പിയിൽ പിടിച്ചു നിന്നിരുന്ന സ്വർണ്ണമ്മ ഡോറിന്റെ ഭാഗത്തുകൂടി റോഡിലേക്ക് തെറിച്ചു വീഴുകയായിരുന്നു. ഉടൻതന്നെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല .
