റാന്നി: തോട്ടമൺകാവ് ഭഗവതിക്ഷേത്രത്തിൽ ഒക്ടോബർ 9 മുതൽ 18 വരെ നടക്കുന്ന അംബായാഗം 2026ന് മുന്നോടിയായി സംഘടിപ്പിച്ച ഭക്തജന സദസ്സ് പ്രശസ്ത സിനിമാ-സീരിയൽ താരം കൃഷ്ണപ്രസാദ് ഉദ്ഘാടനം ചെയ്തു.
നമ്മുടെ സംസ്കാരത്തിന്റെയും പാരമ്പര്യത്തിന്റെയും സംരക്ഷണത്തിനും, മഹത്തായ വിശ്വാസമൂല്യങ്ങൾ വരുംതലമുറകളിലേക്ക് പകർന്നു നൽകുന്നതിനും ഇത്തരം ആചാരാനുഷ്ഠാനങ്ങൾ പ്രചോദനമാകട്ടെയെന്ന് കൃഷ്ണപ്രസാദ് ഉദ്ഘാടന പ്രസംഗത്തിൽ പറഞ്ഞു.ദേവസ്വം പ്രസിഡന്റ് അഡ്വ. ഷൈൻ ജി. കുറുപ്പ് അധ്യക്ഷത വഹിച്ചു.
മാർഗ്ഗനിർദ്ദേശക മണ്ഡൽ ജനറൽ സെക്രട്ടറി സ്വാമി സത്‌സ്വരൂപാനന്ദ സരസ്വതി, സ്വാമിനി ദീപ്തി ചൈതന്യ, ജ്യോതിഷപണ്ഡിതൻ ലാൽ പ്രസാദ് ഭട്ടതിരി, ഡോ. കെ. ജെ. സുരേഷ് എന്നിവർ അംബായാഗത്തിന്റെ കാലിക പ്രസക്തിയെക്കുറിച്ച് പ്രസംഗിച്ചു. ദേവസ്വം ഭാരവാഹികളായ സന്തോഷ് പണിക്കർ, ബിനോജ് ടി. വി., രാജേഷ് കുമാർ, കെ. ജി. രാജീവ്, രഘു പി. എസ്, ബിനു ടി, വിജയകുമാർ, പി. ശ്രീകുമാർ, സി. എൻ. പ്രസാദ് തുടങ്ങിയവർ നേതൃത്വം നൽകി.
