തിരുവനന്തപുരം : പ്രതിപക്ഷ നേതാവ് വി ഡി സതീശനുമായുള്ള സംവാദത്തിന് തയ്യാർ എന്ന് മുഖ്യമന്ത്രി പിണറായി വിജയൻ . സംവാദത്തിനുള്ള സ്ഥലവും സമയവും കൂടി മുഖ്യമന്ത്രിക്ക് തീരുമാനിക്കാം എന്ന് പ്രതിപക്ഷ നേതാവ് മറുപടി നൽകി .
സർക്കാരിന്റെ വികസനപ്രവർത്തനങ്ങളിൽ സംവാദത്തിനു മുഖ്യമന്ത്രിയെ വി.ഡി. സതീശൻ വെല്ലുവിളിച്ചിരുന്നു. ഇതിനു മറുപടിയായി സംവാദത്തിനു തയാറാണെന്ന് എൽഡിഎഫ് റിപ്പോർട്ട് കാര്‍ഡ് പങ്കുവെച്ച് മുഖ്യമന്ത്രി ഫെയ്‌സ്ബുക്കിലൂടെ അറിയിച്ചു .സംവാദത്തിന് ഏറ്റവും നല്ല വേദി നിയമസഭയായിരുന്നുവെന്നും അവിടെ നിന്ന് ഒളിച്ചോടിയവരാണ് വെല്ലുവിളിക്കുന്നതെന്നും മുഖ്യമന്ത്രി പിന്നീട് വാർത്താസമ്മേളത്തിൽ പറഞ്ഞു.പിന്നാലെ മുഖ്യമന്ത്രി പറയുന്ന സ്ഥലത്ത് പറഞ്ഞ സമയത്ത് എത്താമെന്ന് അറിയിച്ച് വി ഡി സതീശനും ഫെയ്‌സ്ബുക്കിൽ പോസ്റ്റിട്ടു.
