കണ്ണൂർ : പയ്യന്നൂരിൽ കോൺഗ്രസ് പിന്തുണയോടെ മത്സരിച്ച മുൻ സിപിഎം നേതാവ് വി കുഞ്ഞികൃഷ്ണന് 7,487 വോട്ടിന്റെ ഭൂരിപക്ഷത്തിൽ അട്ടിമറി വിജയം. ഇടതുപക്ഷത്തിന്റെ ഉരുക്കുകോട്ടയിൽ സിപിഎം സ്ഥാനാർഥി ടി.ഐ. മധുസൂദനൻ ആയിരുന്നു എതിർ സ്ഥാനാർത്ഥി.2021 -ൽ 49,780 വോട്ടിന്റെ ഭൂരിപക്ഷത്തിനാണ് ടി ഐ മധുസൂദനൻ വിജയിച്ചത്.
രക്തസാക്ഷി ഫണ്ട് തട്ടിപ്പ് ആരോപണമുന്നയിച്ചതിന് പിന്നാലെ ജില്ലാ കമ്മിറ്റിയംഗമായിരുന്ന വി. കുഞ്ഞികൃഷ്ണനെ സിപിഎം പുറത്താക്കുകയായിരുന്നു. ടി.ഐ മധുസൂദനനെ സിപിഎം വീണ്ടും മത്സരിപ്പിക്കാനുള്ള തീരുമാനമെടുത്തതോടെയാണ് കുഞ്ഞികൃഷ്ണനും കോൺഗ്രസ്സ് പിന്തുണയോടെ മത്സരിക്കാനിറങ്ങിയത്.
