കോഴഞ്ചേരി : തെക്കേമല ജംഗ്ഷന് സമീപം റോഡിലൂടെ നടന്നു പോയ സ്ത്രീയെ കടന്നുപിടിച്ച കേസിൽ ഒരാളെ ആറന്മുള പോലീസ് അറസ്റ്റ് ചെയ്തു. ഇടശ്ശേരിമല ഐക്കരമല മോഡിയിൽ ഭാഗത്ത് നെടിയകാലായിൽ വീട്ടിൽ പ്രവീൺ (28) ആണ് അറസ്റ്റിലായത് .
കഴിഞ്ഞ ദിവസം രാത്രി എട്ടരയ്ക്ക് ജോലികഴിഞ്ഞ് വീട്ടിലേക്ക് പോവുകയായിരുന്ന സ്ത്രീയെ പിന്തുടർന്ന് ചെന്ന് അപമാനിക്കാൻ ശ്രമിക്കുകയും സ്ത്രീയുടെ ബഹളം കേട്ട് ഓടിക്കൂടിയ നാട്ടുകാർ ഇയാളെ തടഞ്ഞു വെച്ച് പോലീസിന് കൈമാറുക ആയിരുന്നു. അറസ്റ്റ് ചെയ്ത പ്രതിയെ റിമാൻഡ് ചെയ്തു.
